Crime News : म्हापसा, आकय, म्हापसा येथील पशुवैद्यकीय रुग्णालयातील सरकारी कर्मचाऱ्यांच्या सेवेत अडथळा आणल्याप्रकरणी माडेल-थिवी येथील एका माय-लेकी विरोधात म्हापसा पोलिसांनी गुन्हा नोंद केला.

ही घटना १० रोजी दुपारी १.१२ च्या सुमारास घडली. संशयित महिला ९ रोजी दुपारच्या जेवणाच्याच वेळी रुग्णालयात मांजराला घेऊन त्याच्यावर उपचार करण्यासाठी आल्या होत्या. त्यावेळी जेवणाची वेळ असूनही कर्मचाऱ्यांनी सदर मांजरावर उपचार केले व त्यांना उद्या बुधवारी घेऊन येण्याचा सल्ला दिला.

त्यानंतर संशयित महिला १० रोजी दुपारीच रुग्णालयात मांजराला घेऊन आल्या. त्यावेळी कर्मचारी जेवण करत होते. त्यांनी संशयित माय-लेकीला जेवण करेपर्यंत थांबण्याचा सल्ला दिला. पण त्यांनी हा सल्ला फेटाळला व आमच्या मांजरावर आताच्या आताच उपचार करावेत, अशी मागणी केली.