Goa Accident: मडगाव- कारवार हमरस्त्यावर चोवीस तासांच्या आत दुसरा अपघात झाला आहे. या रस्त्यावर गुळे येथे मालवाहू ट्रक उलटणे, ट्रक रस्त्याच्या कडेला रुतून बसणे ही आता नित्याचीच बाब झाली आहे. शनिवारी सकाळी केए 34 बी 4131 हा मालवाहू ट्रक रस्त्याच्या कडेला रुतून बसला.

या ठिकाणी करमल घाट व करमल घाटाच्या पायथ्याशी रस्ता अरुंद आहे. त्याचप्रमाणे हल्लीच रस्त्याचे हॉटमिक्स डांबरीकरण केल्यानंतर हमरस्त्याला उंची प्राप्त होऊन रस्त्याच्या कडा खोल झाल्या आहेत त्यामुळे एकदा वाहनाची चाके रस्त्याच्या कडेला गेल्यानंतर वाहने रस्त्याच्या कडेला फरफटत जातात.

त्यामुळे या रस्त्याचे रुंदीकरण करून जमिन डांबरी रस्त्याच्या समपातळीत आणण्याची मागणी केली जात आहे.

दरम्यान, शुक्रवारी सकाळी मडगावहून कारवारच्या दिशेने जाणारा एपी 21 टी ई 3699 हा मालवाहू ट्रक गुळे येथे करमल घाटाच्या पायथ्याशी रस्त्याच्या कडेला शेतात उलटला होता.