Goa Accident: वेर्णा येथील नव्या उड्डाणपुलावर शुक्रवारी दुपारी एका कारचा अपघात झाला. आगाशी-वेर्णा उड्डाणपुलावर वेर्णाच्या बाजूला हा अपघात झाला. भरधाव वेगात असलेली ही कार या पुलावर पलटली.

कारचालकाचे कारवर नियंत्रण न राहिल्याने कार थेट डिव्हायडरला धडकून पलटली. सुदैवाने या अपघातात कारमधील प्रवाशांना गंभीर दुखापत झालेली नाही. तथापि, त्यांना किरकोळ दुखापती झाल्या आहेत.

दरम्यान, कारचे मात्र या अपघातात मोठे नुकसान झाले आहे. समोरची काच पूर्ण फुटली आहे. कार आणखी वेगात असती तर डिव्हायडर ओलांडून पलीकडच्या बाजूवरील रस्त्यावर गेली असती. पण डिव्हायडरला थडकून कार थांबली, त्यामुळे सुदैवाने मोठी हानी टळली.