पणजी : खांडेपार येथे कार आणि दुचाकीचा भीषण अपघात झाला आहे. या अपघातात दुचाकीवरील दोघेजण गंभीर जखमी झाल्याची माहिती असून जखमींवर रुग्णालयात उपचार सुरु आहेत. कारने दुचाकीला धडक दिल्याने हा अपघात झाला आहे.

फोंड्यातील (Ponda) खांडेपार येथे शुक्रवारी एका कारची दुचाकीला जोरदार धडक बसली आहे. या अपघातात दुचाकीवरुन प्रवास करणारे दोघेही गंभीर जखमी झाले असून त्यांच्यावर सध्या उपचार सुरु आहेत. ही धडक एवढी जोरदार होती की दुचाकीचा चक्काचूर झाला आहे, तर कारही रस्त्यापासून दूर जात मोठं नुकसान झालं आहे. कारच्या दर्शनी भागाचंही अपघातात मोठं नुकसान झालं आहे. अपघाताचं कारण अद्याप अस्पष्ट आहे.

बांबोळी येथील नव्या महामार्गावर गुरुवारी रात्री दोन कारमध्ये भीषण अपघात (Accident) झाला. अपघातात इनोव्हा कार आणि स्विफ्ट डिझायर कारमध्ये जोरदार धडक होऊन कारमधील प्रवासी जखमी झाले आहेत. दोन्ही कारच्या चालकांना अपघातामुळे इजा झाल्याने रुग्णालयात (Hospital) दाखल करण्यात आलं आहे. लाल रंगाच्या स्विफ्ट कारच्या चालकाचं गाडीवरुन नियंत्रण सुटल्याने अपघात झाल्याची शक्यता आहे. स्विफ्ट कार डिव्हायडरला धडकून समोरुन येणाऱ्या इनोव्हाला जाऊन आदळली. यामुळे काहीकाळ वाहतुकीचा खोळंबा झाला होता.