Canacona News : काणकोणातील सरकारी निवासी गाळ्यांची दुरवस्था झाली आहे. त्यात प्रामुख्याने काणकोण पोलिस ठाण्याच्या कर्मचारी निवासी गाळे व काणकोण सामाजिक आरोग्य केंद्राच्या कर्मचारी निवासी गाळ्यांचा समावेश आहे.
काणकोण पोलिस ठाण्याला लागूनच पोलिस कर्मचाऱ्यांच्या सोयीसाठी एकमजली निवासी गाळे पंचवीस वर्षांपूर्वी उभारण्यात आले होते. मात्र, त्यांची आजची परिस्थिती दयनीय झाली आहे.
खिडक्या, दारे यांची तावदाने तुटली आहेत. रंगरंगोटी पार निघून गेल्याने या निवासी गाळ्यांना भूतबंगल्याचे स्वरूप प्राप्त झाले आहे. निवासी गाळ्यांची दुरवस्था झाल्याने सध्या पोलिस कर्मचारी भाड्याच्या घरांत आपल्या कुटुंबासमवेत राहात आहेत.
हीच परिस्थिती काणकोण सामाजिक आरोग्य केंद्राच्या निवासी गाळ्यांची झाली आहे. काही निवासी गाळे पोर्तुगीजकालीन आहेत, तर काहींची उभारणी सुमारे तीस वर्षांपूर्वी करण्यात आली होती.
मात्र, सार्वजनिक बांधकाम खात्याच्या इमारती विभागाने त्यांची योग्य देखभाल न केल्याने ते मोडकळीस आले आहेत. तीन वर्षांमागे अशाच परिस्थितीत काही सरकारी कर्मचारी आपल्या कुटुंबासमवेत राहत होते. मात्र, आता सुरक्षिततेच्या दृष्टीने त्यांनी इतरत्र राहणे पसंत केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.