Chhatrapati Shivaji Maharaj statue issue Calangute : कळंगुट येथील छत्रपती शिवाजी महाराजांचा उभारलेला पुतळा दहा दिवसांत हटविण्यात यावा अशी नोटीस कळंगुट पंचायतीने बजावल्यानंतर, आज हाजारो शिवप्रेमींनी कळंगुट पंचायतीसमोर आंदोलन केले. सरपंच जाहीर माफी मागत नाहीत तोवर मागे हटणार नाही अशी भूमिका आंदोलनकर्त्यांनी घेतली.

दरम्यान, दिवसभर झालेल्या राड्यानंतर कळंगुट सरपंच जोसेफ सिक्वेरा यांनी सॉरी म्हणत जाहीर माफी मागितली आहे.

शिवप्रेमींच्या आक्रमक भूमिकेमुळे सरपंच जोसेफ सिक्वेरा यांनी माघार घेत, पुतळा हटविण्यासाठी बजावलेली नोटीस माघारी घेतल्याचे सांगितले तसेच, यामुळे कोणाच्या धार्मिक भावना दुखावल्या असतील तर मी माफी मागतो अशा शब्दात सिक्वेरा यांनी माफी मागितली आहे.