Rohan Harmalkar

हणजूण: गोवा सोड अन्यथा जीवे मारु अशी धमकी देऊन मारहाण केल्याप्रकरणी महाराष्ट्रवादी गोमंतक पक्षाचे नेते रोहन हरमलकर यांना अटक करुन जामीनही मंजूर करण्यात आला. हरमलकरांना हणजूण पोलिसांनी याप्रकरणी २५ नोव्हेंबर रोजी रात्री अटक केली दरम्यान, म्हापसा प्रथमवर्ग न्यायालयाने सशर्त जामीन मंजूर केला आहे.

महाराष्ट्रवादी गोमंतक पक्षाचे नेते रोहन हरमलकर, दुर्गादास मोरजकर यांनी १० ते १५ इतर लोकांसोबत एक व्यक्तीला जीवे मारण्याची धमकी देऊन मारहाण केली होती. याप्रकरणी सुरेंद्र भरत सिंह कुमार (वय ५१, रा. हिस्सार, हरियाणा) यांनी हणजूण पोलिसांकडे तक्रार दाखल केली. या तक्रारीवरुन पोलिसांनी रोहन हरमलकर, दुर्गादास मोरजकर यांना हणजूण पोलिसांनी २५ नोव्हेंबर रोजी रात्री अटक केली होती.

म्हापसा प्रथमवर्ग न्यायालयाने रोहन हरमलकर यांना सशर्त जामीन मंजूर केला आहे. ३० हजार जातमुचलक्यावर हरमलकर यांना जामीन देण्यात आलाय. पण, दर दहा दिवसाला त्यांना हणजूण पोलिसांत हजेरी लावण्यास बंधनकारक करण्यात आली आहे.

हरमलकर, मोरजकर यांनी १० ते १५ इतर लोकांसोबत सुरेंद्र भरत सिंह कुमार यांना गोवा सोड नाहीतर जीवे मारु अशी धमकी दिली. तसेच, गंभीर मारहाण केल्याचे तक्रारीत म्हटले आहे. दाखल तक्रारीवरुन पोलिसांनी हरमलकर आणि मोरजकरांना अटक केली होती.