Morjim News: मोरजी येथील भूमिका मंदिर देवस्थानच्या विहरीत आज एक रेडा पडला होता. अग्निशमन दलाच्या जवानांच्या प्रयत्नांनी या रेड्याला विहिरीबाहेर काढण्यात यश आले.

या रेड्याला विहीरीतून बाहेर काढण्यासाठी अग्निशमन दलाच्या जवानांना मोठी कसरत करावी लागली. पावसामुळे ही विहीर पाण्याने बऱ्यापैकी भरलेली होती. त्यामुळे पाण्यात पडलेला रेडा वरवरच पोहत थांबला होता.

पण विहिरीच्या भींतीला पकडण्यासाठी काहीच नसल्याने तिथे फार काळ थांबता आले नसते. दरम्यान, याची माहिती अग्निशमन दलाला कळविण्यात आली. त्यानंतर शर्थीचे प्रयत्न करत या रेड्याला विहिरीबाहेर काढण्यात आले.

अग्निशमन दलाचे जयराम मळीक यांच्या मार्गदर्शनाखाली जवान सहदेव परब, श्रीनेष कोरखंडकर, विराज किनळेकर, बया वरक यांनी ही कामगिरी पार पाडली.