Bicholim Highschool News: डिचोलीतील तालुक्यातील एका प्रतिष्ठित हायस्कूल आणि ज्युनियर कॉलेजमध्ये एक धक्कादायक प्रकार उघडकीस आला आहे. या संस्थेतीलल ज्युनियर कॉलेजच्या 11 वी कला शाखेच्या वर्गातील मुलींना गुरूवारी अचानक श्वासोच्छवासाचा त्रास होऊ लागला. त्यामुळे सुमारे 10 मुलींना रूग्णालयात दाखल करण्याची वेळ आली.

त्यातील 6 मुलींना उपचारानंतर आता बरे वाटत असून उर्वरीत 4 मुलींना म्हापसा जिल्हा रूग्णालयात हलविण्याच्या हालचाची सुरू आहेत. दरम्यान, या प्रकारामागचे कारण अद्याप समोर आलेले नाही.

पेपर स्प्रे वापरल्यामुळे या मुलींना श्वासोच्छवासाचा त्रास होऊ लागल्याचे सांगितले जात आहे. पोलिस या प्रकरणाची चौकशी करत आहेत.

विशेष म्हणजे, 8 दिवसांपुर्वी या शाळेत असाच प्रकार घडला होता. तेव्हा २ मुलींना त्रास झाला होता. त्यावेळी एका विद्यार्थ्यांला निलंबित करण्यात आल्याची माहिती आहे. कालपासूनच तो विद्यार्थी पुन्हा शाळेत येऊ लागला होता, असेही सांगण्यात येत आहे.

दरम्यान, तेव्हा तपासणीवेळी काही विद्यार्थीनींच्या सॅकमध्ये ई-सिगारेट सापडल्याचेही सांगण्यात येत आहे.