दै. गोमन्तकमधील वृत्तामुळे जाग येऊन बोरी पुलाच्या रस्त्यावर पडलेले खड्डे बुजविण्याचे काम अखेर हाती घेतल्याने वाहनचालक व पादचाऱ्यांत समाधान व्यक्त केले जात आहे.

अवकाळी पाऊस सुरू होण्यापूर्वी बोरी पुलाच्या रस्‍त्यावर ठिकठिकाणी खड्डे पडले होते. सिमेंट-कॉंक्रिटच्या थराला मोठ्या भेगा पडल्या होत्या. गोमन्तकने या समस्येवर छायाचित्रासह वृत्त प्रसिद्ध केल्यावर संबंधित खात्याला जाग आली व गेल्या दोन दिवसापासून चर बुजविण्याचे काम सुरू केले आहे.