उत्तर गोव्यात नव्याने सुरू झालेले मनोहर आंतरराष्ट्रीय विमानतळ सुसाट सुरू आहे. अनेकजण राज्यात येणारे पर्यटक मोपाला पहिली पसंती देत आहेत. अधुनिक आणि आकर्षक असलेल्या या विमानतळाचे सर्वांनीच कौतुक केले आहे. अनेक बॉलिवूड कलाकारांनी मोपाचे कौतुक केले आहे.

दरम्यान, नुकतेच बॉलिवूडच्या दोन दिग्गज डान्सर आणि नृत्य दिग्दर्शक याने मनोहर विमानतळाला भेट दिली. याचे फोटो सध्या समोर आले आहेत.

डान्सिंग उस्ताद मार्झी आणि नृत्यदिग्दर्शक श्यामक दावर यांचा अलिकडेच प्रवासानिमित्त मनोहर विमानतळाला भेटीचा योग आला. दोघांनीही विमानतळावरील आदरातिथ्याचा आनंद घेतला व विमानतळाचे कौतुक केले.

विमानतळावरील वातावरण आल्हादायक असून, येथील लोक देखील उत्तम आहेत. अशी प्रतिक्रिया मार्झीने दिली आहे. खूप सुंदर विमानतळ आणि उत्तम सुविधा अशा शब्दात श्यामक दावर यांनी विमानतळाचे कौतुक केले आहे.

दरम्यान, मागील वर्षी 11 डिसेंबर 2022 रोजी नरेंद्र मोदी यांच्या हस्ते मोपा येथील विमानतळाचे उद्धाटन करण्यात आले. याचवेळी या विमानतळाचे मनोहर आंतरराष्ट्रीय विमानतळ असे नामकरण करण्यात आले. त्यानंतर 05 जानेवारी 2023 रोजी विमानतळावरून पहिले उड्डाण आणि आगमन झाले.

सुरू झाल्यापासून मनोहर विमानतळ सुसाट सुरू आहे. तसेच, दाबोळी विमानतळ देखील जोमात सुरू आहे.