Bastora: बोलेरो जीप चालकाचा डोळा लागल्याने गाडी रस्त्यालगत असलेल्या जलवाहिनीवर धडकली. तर जीपमागून येणाऱ्या स्विफ्ट कारची मागून धडक बसून बस्तोडा येथे हा अपघात (Accident) झाला. या अपघातात दोन्ही वाहनांचे मोठे आर्थिक नुकसान झाले असून, या वाहनांतील सुदैवाने कोणालाही इजा झाली नाही.

हा अपघात शनिवारी (ता.3) सायंकाळी 5.20 च्या सुमारास घडला. जीए 04 टी 4940 या क्रमांकाची बोलेरो टेम्पो जीप गिरीहून करासवाडाच्या दिशेने सर्व्हिस रोडवरून जात होती. तेव्हा बस्तोडा येथे जीप चालक सुरेश तेलगिरी (डिचोली)Bicholim याचा गाडी चालवताना चालकाचा डोळा लागला असता, जीप रस्त्यालगत एका जलवाहिनीवर धडकली.

यावेळी मागून येणारी जीए 03 व्हाय 3303 क्रमांकाचा स्विफ्ट कार चालक मतिऊर चौधरी (पश्चिम बंगाल) West Bengal याचा गाडीवरील ताबा गेला व या कारची मागून जीपला धडक बसली. या अपघातात दोन्ही वाहनांचे मोठे नुकसान झाले. तर दोन्ही चालक तसेच प्रवाशांना सुदैवाने कोणतीही दुखापत झाली नाही. या अपघाताचा पंचनामा म्हापसा पोलीस हवालदार उल्हास गावकर यांनी केला.