Body Building Championship: आंतरराष्ट्रीय बॉडी बिल्डींग चॅम्पियनशिपसाठी भारतीय संघाची निवड चाचणी गोव्यात पार पडणार आहे. 3 आणि 4 जून रोजी ही चाचणी होणार आहे. भारतीय बॉडी बिल्डर संघाने ही माहिती दिली आहे. उज्जैन येथे झालेल्या पत्रकार परिषदेत ही माहिती देण्यात आली.

मध्यप्रदेश राज्य शरीरसौष्ठव संघटनेचे अध्यक्ष आणि माजी मिस्टर इंडिया जितेंद्रसिंह कुशवाह आणि सरचिटणीस आतिन तिवारी यांनी ही माहिती दिली. ही निवड चाचणी स्पर्धा मनोहर पर्रीकर इनडुअर स्टेडियममध्ये होईल, अशी माहिती देण्यात आली आहे.

या निवड चाचणी स्पर्धेतून होणाऱ्या निवडी 13 व्या दक्षिण आशियाई शरीरसौष्ठव स्पर्धेसाठी तसेच 55 व्या आशिया चॅम्पियनशिप स्पर्धेसाठीही ग्राह्य धरल्या जाणार आहेत.