भाजप नेत्या आणि टिकटॉक स्टार सोनाली फोगाट (Sonali Phogat) यांचे हृदयविकाराच्या झटक्याने गोव्यात निधन झाले. हरियाणातील हिसार जिल्ह्यातील आदमपूर विधानसभा मतदारसंघातून त्यांनी विधानसभा निवडणूक लढवली होती. मात्र, त्या निवडणुकीत पराभूत झाल्या. सोनालीसमोर 2019 च्या निवडणुकीत काँग्रेसचे नेते कुलदीप बिश्नोई हे उमेदवार होते. भाजपच्या हरियाणा युनिटनेही त्यांची महिला मोर्चाच्या प्रदेश उपाध्यक्षपदी नियुक्ती केली होती

काही कर्मचाऱ्यांसह सोनाली फोगाट गोव्याला (Goa) गेल्या होत्या. त्यांनी छोट्या पडद्यावरील अनेक मालिकांमध्ये काम केले आहे. तसेच त्या एक प्रसिध्द अभिनेत्री होत्या. त्यांनी दूरदर्शनवर अनेक शो मध्ये अँकर म्हणुन काम केले आहे. सर्वात मोठी गोष्ट म्हणजे टिकटॉक स्टार म्हणूनही त्यांची ओळख आहे.

सोनाली फोगटने सोमवारी रात्रीच इन्स्टाग्राम आणि फेसबुकवर एक व्हिडिओ (Video) शेअर केला होता. टिकटॉकसह (Tick Tock) अनेक सोशल मीडिया प्लॅटफॉर्मवर प्रसिद्ध असलेल्या सोनालीने बिग बॉस या रिअॅलिटी शोच्या 14 व्या आवृत्तीत भाग घेतला होता.