वास्को : मुरगाव भाजप मंडळाने मुरगावचे आमदार संकल्प आमोणकर यांच्यासह मुरगाव येथे भाजपचा 43वा स्थापना दिन उत्साहात साजरा केला. गुरुवारी (ता.6) मुरगावचे आमदार संकल्प आमोणकर यांच्या सडा येथील कार्यालयात भाजप स्थापना दिनाच्या निमित्ताने खास कार्यक्रमाचे आयोजन केले होते. याप्रसंगी मुरगाव भाजप युवा मोर्चाची नवीन समिती जाहीर करण्यात आली.

भाजपच्या 43 व्या स्थापनादिनाचे औचित्य साधून गुरुवारी मुरगावचे आमदार संकल्प आमोणकर यांच्या सडा येथील कार्यालयात खास कार्यक्रमाचे आयोजन केले होते. याप्रसंगी गोवा भाजप युवा मोर्चाचे अध्यक्ष समीर मांद्रेकर, मुरगाव भाजप मंडळाचे अध्यक्ष संजय सातार्डेकर, डॉ. धर्मेंद्र प्रभुदेसाई, मुरगाव नगरपालिकेच्या नगरसेविका श्रद्धा आमोणकर, मुरगावच्या माजी उपनगराध्यक्ष रीमा सोनुर्लेकर व इतर मान्यवर उपस्थित होते.

मुरगाव मतदारसंघातील भाजप युवा मोर्चाची समिती- श्यामप्रसाद महाले (अध्यक्ष), शांती नाईक (उपाध्यक्ष), पांडुरंग पालेकर (सरचिटणीस), कांचन पुजारी (सरचिटणीस), अनिता लमाणी, राजदीप (सचिव).

भाजप स्थापनादिनानिमित्ताने देशात ‘सोशल जस्टीस वीक’ साजरा करण्यात येणार आहे. त्यानुसार 6 ते 14 एप्रिलपर्यंत विविध कार्यक्रमांचे आयोजन करण्यात आले आहे. गोव्याच्या इतर भागांबरोबरच मुरगाव मतदारसंघातही ‘सोशल जस्टीस वीक’ साजरा करण्यात येणार आहे.

- संकल्प आमोणकर, आमदार, मुरगाव मतदारसंघ