मडगाव: गोव्यातील दाबोळी आंतरराष्ट्रीय विमानतळावरुन एक धक्कादायक घटना समोर आली आहे. मुंबईला जाणाऱ्या विमानाला उड्डाणावेळी पक्षी धडकल्याने इंजिनमधून धूर येऊ लागला. खबरदारीचा उपाय म्हणून उड्डाण रद्द करण्यात आले आहे. आज (दि. १४ ऑगस्ट) सकाळी 6.55 वा. ही घटना घडली.

समोर आलेल्या माहितीनुसार, गोव्यातील दाबोळी विमानतळावरुन AI684 फ्लाईटने मुंबईसाठी उड्डाण घेतले. दरम्यान, उड्डाणावेळी विमानाला पक्षी धडकल्याने इंजिनमधून धूर येऊ लागला. खबरदारीचा उपाय म्हणून विमान उड्डाण तात्काळ रद्द करण्यात आले. विमानतील सर्व प्रवासी सुखरुप आहेत. दरम्यान, सध्या हे विमान रनवेवर थांबवून ठेवण्यात आले आहे.