Bike Hitting Truck At Karmal Ghat : करमलघाटात महामार्गावर उभ्या ट्रकला दुचाकीस्वाराने धडक दिल्याने सोमवारी अपघात झाला. या अपघातात दुचाकीस्वार गंभीर जखमी झाला. जखमी दुचाकीस्वाराल गोमेकॉत उपचारासाठी दाखल करण्यात आले. अपघाताची माहिती मिळताच पोलिस घटनास्थळी दाखल झाले असून पुढील तपास करीत आहेत.

मिळालेल्या माहितीनुसार, काणकोण येथील करमलघाटात एक ट्रक गेले आठ दिवस बंद अवस्थेत उभा आहे. वास्को येथे कामानिमित्त जाताना नितेश वेळीप या युवकाच्या दुचाकीची धडक ट्रकला बसली. दुचाकीचालकाला अंदाज न आल्याने हा अपघात झाला.

या अपघातात दुचाकीच्या प्रथमदर्शनी भागाचे नुकसान झाले तर गंभीर दुचाकीस्वाराला गोमेकॉत उपचारासाठी दाखल करण्यात आले. यानंतर एक कारची धडक या ट्रकला बसली. सुदैवाने जिवीतहानी झाली नाही.

या महामार्गावर अनेक ट्रक नादुरुस्त अवस्थेत उभे असतात. त्यामुळे अपघात सुरुच आहेत. संबंधित प्रशासनाने या प्रकरणावर लक्ष घालून कारवाई करावी अशी मागणी स्थानिक व दुचाकीचालकांकडून होत आहे.