Goa Corona Update: गेल्या काही दिवसांत राज्यातील कोरोनाबाधितांची संख्या वेगाने वाढ होऊ लागली आहे. गेल्या 24 तासांमध्ये राज्यात एकूण 97 नवीन कोरोना रूग्ण आढळून आले आहेत.

यापैकी 3 रूग्णांना रूग्णालयात दाखल करण्यात आले आहे तर उर्वरीत 95 बाधितांना होम आयसोलेशनमध्ये ठेवण्यात आले आहे.

नव्याने भर पडलेल्या रूग्णसंख्येने राज्यातील सक्रिय कोरोना रूग्णांची संख्या आता 362 वर पोहचली आहे. दिवसेंदिवस रूग्णसंख्येत वेगाने वाढ होत असल्याने राज्यात कोरोनाची धास्ती वाढू लागली आहे.

दरम्यान, गेल्या 24 तासांमध्ये एकूण 24 रूग्ण कोरोनामुक्त झाले तर एकूण 971 चाचण्या करण्यात आल्या. राज्यात कोरोनामुक्तीचा दर 98.32 टक्के इतका आहे.

तर राज्यात आत्तापर्यंत कोरोनामुळे 4013 मृत्यू झाले आहेत. राज्यात एकूण 21 लाख 60 हजार 120 चाचण्या झाल्या आहेत.

तर एकूण 2 लाख 59 हजार 705 रूग्ण आढळून आले होते. त्यापैकी 2 लाख 55 हजार 330 रूग्ण बरे झाले आहेत.