डिचोली: डिचोली पोलिसांनी केलेल्या एका कारवाईत कालव्यात दडवून ठेवलेल्या व्हिस्कीच्या ४६ बाटल्या जप्त केल्या. महाराष्ट्राच्या सीमेलगत दोडामार्ग येथे आज (शुक्रवारी) ही कारवाई करण्यात आली.
महाराष्ट्र विधानसभा निवडणुकीच्या पार्श्वभूमीवर महाराष्ट्राच्या सीमेलगत पोलिस सतर्क झाले असून, सीमा भागात पोलिसांची दिवसरात्र गस्त सुरू आहे. आज सकाळी गस्तीवेळी दोडामार्ग येथील कालव्यात दारूच्या बाटल्या दडवून ठेवल्याचे गस्तीवरील पोलिसांच्या निदर्शनास आले.
कालव्यात वेगवेगळ्या ब्रॅण्डच्या व्हिस्कीच्या ४६ बाटल्या आढळून आल्या. पोलिसांनी पंचनामा करुन दारूच्या या बाटल्या जप्त केल्या. जप्त केलेल्या व्हिस्कीची बाजारातील किंमत ३० हजार रुपये एवढी असल्याची माहिती मिळाली आहे.
डिचोलीचे पोलिस निरीक्षक दिनेश गडेकर यांच्या मार्गदर्शनाखाली साहाय्यक पोलिस उपनिरीक्षक लक्ष्मण घाडी यांच्या नेतृत्वाखाली पोलिसांनी ही कारवाई केली. ही दारू कोणी दडवून ठेवली. त्याचा पोलिस शोध घेत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.