Bicholim Crime News: सोशल मीडियात महिलेचे फेक अकाऊंट काढून तिचा छळ केल्याप्रकरणी पोलिसांनी मये, डिचोली येथील एकास अटक केली आहे. अटक करण्यात आलेला तरूण हा मूळचा कोल्हापुरचा आहे. राहुल गंगाराम नाईक (वय २२) असे त्याचे नाव आहे. गोव्याच्या सायबर क्राईम पोलिसांनी ही कारवाई केली.

राहुल नाईक याने एका महिलेचे फेक इन्स्टाग्राम अकाऊंट तयार केले होते. त्यावरून तो विविध पोस्ट टाकत होता. याचा त्या महिलेला नाहक त्रास झाला. ही बाब संबंधित महिलेला लक्षात आल्यावर तिने सायबर क्राईम विभागाकडे याबाबत तक्रार केली होती, असे समजते.

त्यानंतर पोलिसांनी या फेक अकाऊंटचा माग काढत संबंधित युवकाला अटक केली आहे. त्याच्याकडे या प्रकरणी चौकशी केली जात आहे.