डिचोलीतील 'आमठाणे' धरणातील जलसाठा घटला असून, धरण सभोवतालचे पात्र कोरडे पडल्याचे दिसून येत आहे.
सध्या या धरणातील जलसाठ्याची पातळी ८ मीटर अशी घटली आहे. दुसऱ्या बाजूने धरणातील पाण्याची पातळी कमी झाली असली, तरी या धरणात अद्याप साळ बंधाऱ्यातून पाणी सोडण्यात आल्याचे दिसून येत नाही. गेल्या महिन्याच्या तुलनेत धरणातील पाण्याच्या पातळीत बरीच घट झाली आहे.
सध्या धरणातील जलसाठ्याची पातळी ४४ मीटर इतकी आहे. दरवर्षी साधारण एप्रिल-मे महिन्यात धरणातील जलसाठ्यात घट होऊन सभोवतालचे पात्र कोरडे पडत असते.
यंदा मात्र एप्रिल महिन्याच्या पहिल्या पंधरवड्यातच पाण्याची पातळी अपेक्षेबाहेर घटली आहे. गेल्या वर्षी समाधानकारक मोसमी पाऊस पडल्यानंतर ''आमठाणे'' धरणातील जलसाठ्याची पातळी समाधानकारक होती. गेल्यावर्षी पावसाळ्यात हे धरण दोन वेळा तुडुंब भरले होते.
धरणाचे कार्यक्षेत्र ५८२ हेक्टर मीटर
मेणकूरे-धुमासे पंचायत क्षेत्रात येणाऱ्या आमठाणे धरणाचे कार्यक्षेत्र ५८२ हेक्टर मीटर एवढे आहे. तर पाण्याची पातळी ५२ मीटर एवढी आहे. आज सायंकाळपर्यंत या धरणातील जलसाठ्याची पातळी ४४ मीटर एवढी होती.
'साळ'मधून पुरवठा नाही
जलसाठा नियंत्रित ठेवण्यासाठी साळ येथील शापोरा नदीवरील बंधाऱ्यातील पाणी मोठ्या जलवाहिनीद्वारे या धरणात सोडण्यात येते. मात्र यंदा अजूनही बंधाऱ्यातील पाणी धरणात सोडण्यात आलेले नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.