Goa: बेंगळुरू येथील पर्यटकांना गोव्यातील एका नाईट क्लबमध्ये ओलीस ठेऊन, मारहाण करून 80 हजार रुपये लुटल्याचे धक्कादाक प्रकरण समोर आले आहे.

दहा ते बारा जणांचा ग्रुप गोव्यात मौजमजा करण्यासाठी आले असताना, त्यांच्यासोबत हा धक्कादायक प्रकार घडला आहे.

समोर आलेल्या माहितीनुसार, पर्यटकांना तेथील दलालांनी जबरदस्ती नाईट क्लबमध्ये घेऊन ओलीस ठेवले. त्यांचे फोन तोडून मारहाण केली व सुमारे 80 हजार रुपये लुटले, असे पर्यटकांनी सांगितले आहे.

पर्यटकांसोबत घडलेल्या या प्रकाराबद्दल त्यांनी न्याय आणि संबधितांवर कारवाईची मागणी केली आहे.

दरम्यान, काही दिवसांपूर्वी अशाच प्रकारची एक घटना समोर आली होती. यात महाराष्ट्रातील पर्यटकांनी देखील नाईक क्लबमध्ये ओलीस ठेऊन त्यांच्याकडून 30 हजार रुपयांची रक्कम लुटली होती. दरम्यान, पोलिसांनी तात्काळ याप्रकरणी लक्ष घालून रक्कम परत मिळवून दिली होती.