Dabolim Airport: गोव्यातील दाबोळी विमानतळावरून मुंबईला जात असलेल्या एका बेल्जियन नागरिकाला गोवा पोलिसांनी ताब्यात घेतले. मुंबईच्या फ्लाईटमध्ये चढतानाच त्याच्यावर कारवाई करण्यात आली.

ट्रॅकिंग डिव्हाईस सोबत बाळगल्यावरून त्याच्यावर ही कारवाई करण्यात आली आहे. गोवा पोलिसांनी ही माहिती दिली. ब्रायस एमिली अँटोनी जी (वय 47) असे त्याचे नाव आहे.

वास्को येथील पोलिस उपअधीक्षक सलीम शेख यांनी प्रसारमाध्यमांना दिलेल्या माहितीनुसार ट्रॅकर डिव्हाइस बाळगल्याप्रकरणी या परदेशी नागरिकाविरुद्ध गुन्हा दाखल करण्यात आला आहे. त्याच्याकडील उपकरण हे एक जीपीएस ट्रॅकर डिव्हाइस होते.

फ्लाइटमध्ये चढत असताना तो ते उपकरण सोबत घेऊन जात होता. त्यामुळे त्याच्याविरुद्ध गुन्हा दाखल करण्यात आला आहे," असे पोलिसांनी सांगितले. सध्या पुढील तपास सुरू असल्याचे पोलिसांनी सांगितले.