कुडचडे : जुआरी नदी, कुशावती आणी इतर ठिकाणी बेकायदेशीर रित्या रेती काढणाऱ्या होडी संबंधित खात्याने जप्त केल्या होत्या त्यांची विल्हेवाट लावण्याचा आदेश न्यायालयाने दिल्या नंतर आज सावर्डे येथील जुआरी नदीच्या काठी मोठ्या प्रमाणात जप्त केलेल्या होडी आणि रेती काढण्यासाठी लागणारे साहित्य स्क्रॅप करण्याची प्रक्रिया सुरु झाली आहे.

या सर्व होडी स्क्रॅप करण्यासाठी एकूण छत्तीस लाख रूपयांचे कंत्राट देण्यात आले आहे. न्यायालयाच्या आदेशानुसार होड्या स्क्रॅप करण्याच्या कामाला लागलीच सुरुवात करण्यात आली आहे.

वेगवेगळ्या भागात बेकायदेशीर रेती काढताना संबंधित खात्याने होड्या ताब्यात घेण्यात आल्या होत्या. या व्यवसाया विरोधात याचिका दाखल करण्यात आली होती तिची सुनावणी करताना न्यायालयाने बेकायदेशीर व्यवसायात गुंतलेल्या होड्या स्क्रॅप करण्याचा आदेश दिला होता.

व्यवसाय जरी बेकायदेशीर असला तरी अनेक युवकांनी बेकारीत आपला पैसा या व्यवसायात गुंतवणूक केला होता. अनेकांनी कर्ज घेऊन या व्यवसायात नशीब आजमावण्याचा प्रयत्न केला होता. अखेर न्यायालयाच्या आदेशानुसार बेरोजगार युवकांची स्वप्ने अर्धवट राहिली आहे.