ज्येष्ठ काँग्रेस नेते प्रतापसिंग राणे यांनी पर्ये मतदारसंघातून आपल्या निवडणूक प्रचाराला सुरुवात केली आहे.

भाजपने त्यांचा बालेकिल्ला असणाऱ्या पर्ये मतदारसंघातून (Parye Constituency) आरोग्यमंत्री आणि भाजप नेते विश्वजीत राणेंना (Vishwajit Rane) उमेदवारीचे संकेत दिले होते.

मात्र भाजपने जाहीर केलेल्या पहिल्या यादीत विश्वजीत राणेंच्या पत्नी दिव्या राणे यांना पर्ये मतदारसंघातून उमेदवारी दिली आहे.

प्रतापसिंग राणेंनी (Pratap singh Rane) आपल्या विधानसभा निवडणुकीच्या प्रचाराला सुरुवात केल्याने पुन्हा एकदा चर्चांना उधाण आलं आहे.

राणेंनी निवडणूक लढवू नये, यासाठी भाजपकडूनही (BJP) शर्थीचे प्रयत्न सुरु असल्याचं दिसत आहे.

एकीकडे प्रतापसिंग राणेंची सुन दिव्या राणे भाजपचा प्रचार करताना दिसत आहेत, तर दुसरीकडे प्रतापसिंग राणे काँग्रेसच्या (Congress) प्रचारासाठी रिंगणात उतरले आहेत. उमेदवारीवर ठाम राहिल्यास पर्ये मतदारसंघात रंगणार सासरे विरुद्ध सून असा राजकीय सामना

पुढे काय निकाल लागणार हे वेळ आल्यावरच समजेल. तूर्तास तरी प्रतापसिंग राणेंनी आपली पत्नी विजयादेवी राणेंसह पर्येतील भूमिका देवीचा आशीर्वाद घेत आपल्या प्रचाराला सुरुवात केली आहे.