Calangute Police: गोव्यातील सुप्रसिद्ध समुद्रकिनारा असलेल्या कळंगुट येथे पोलिसांनी मंगळवारी विशेष मोहिम राबवली. या मोहिमेत पोलिसांनी भिकारी, फेरीवाले, दलाल यांची धरपकड केली. भागात कायदा आणि सुव्यवस्था राखण्याच्या उद्देशाने पोलिसांनी ही मोहिम राबवली.

भिक मागण्याच्या घटनांतून पुढे अनावश्यक गुन्हेगारी घटना घडत असतात. त्यातून सार्वजनिक शांततेला बाधा पोहचत असते. त्यामुळे ही कारवाई करण्यात आली. कायद्याचे पालन होते आहे की नाही, हे तपासणे पोलिसांचे कर्तव्य आहे. त्यासाठीच ही कारवाई केली गेली.

कळंगुट, किनारी पोलिस अशा विविध पथकांतील पोलिस कर्मचारी यांच्या एकत्रित प्रयत्नांतून ही मोहिम राबवली गेली. गोवा हे पर्यटनसाठी प्रसिद्ध असलेले राज्य आहे. येथे भिकाऱ्यांची संख्या वाढल्यास ते येथील पर्यटन व्यवसासाठी मारक ठरू शकते.