नागरिकांपर्यंत सरकारच्या विविध पोहोचवून त्यांना आर्थिकदृष्ट्या सक्षम बनविण्यासाठी केंद्र व राज्य सरकार विविध योजना आखत आहे. त्या योजनांचा लाभ प्रत्येक नागरिकांना व्हावा यासाठी वेळोवेळी कार्यशाळा तसेच मार्गदर्शन करण्यासाठी विविध खात्यांचे अधिकारी पंचायत पातळीवर आणले जातात. त्यामुळे लाभार्थ्यांनी या योजनेचा लाभ घेऊन आत्मनिर्भर व स्वयंपूर्ण बनावे, असे आवाहन म्हाऊस पंचायतीचे स्वयंपूर्ण मित्र श्याम सावंत यांनी केले.

शनिवारी म्हाऊस पंचायतीत ही सुविधा उपलब्ध करण्यात आली. म्हाऊस पंचायत आणि आत्मनिर्भर भारत, स्वयंपूर्ण गोवातर्फे म्हाऊस येथील सुभद्रा सभागृहात आयोजित करण्यात आलेल्या सरकारच्या विविध योजनांच्या शिबिरात श्याम सावंत बोलत होते.

यावेळी व्यासपीठावर पंचायत सचिव संदीप हल्याळी, पंच सुलभा देसाई, गुरुदास गावस, कांता गावस, प्रीती गावकर, सयाजी सावंत आदींची उपस्थिती होती.

सरकारच्या अनेक योजना असतात. त्या प्रत्येकापर्यंत पोहोचविल्या पाहिजेत. आमचा सदैव प्रयत्न असतो की नागिरकांना सर्व योजनांचा चांगल्याप्रकारे फायदा मिळावा. त्यासाठी पंचायत पातळीवर वेळोवेळी सहकार्य केले जाते. या योजनांचा फायदा घेऊन प्रत्येक घटकांनी स्वयंपूर्ण व्हावे.

- श्याम सावंत, स्वयंपूर्ण मित्र, म्हाऊस पंचायत