Adv. Amit Palekar Bail Plea Order Reserved: बाणस्तारी मर्सिडीझ कारच्या अपघात प्रकरणी अंतरिम जामीन मिळालेले आम आदमी पक्षाचे नेते अमित पालेकर तसेच चालक राजू लमाणी यांच्या अर्जावर अंतिम सुनावणी सोमवारी होणार आहे.

पालेकर व राजू यांनी गुरुवारी जामिनासाठी अर्ज केला होता. न्यायालयाने त्यांना अंतरिम जामीन देऊन त्यावरील सुनावणी आज शुक्रवारी ठेवली होती. तर गुरुवारी क्राईम ब्रँचने त्यांना अटक केली होती.

बाणस्तारी येथील अपघातानंतर मर्सिडीस कारचा बनावट चालक पोलिसांसमोर उभा करून पुरावा नष्ट करण्याचा प्रयत्न केल्याचा आरोप करून पालेकर यांना अटक करण्यात आली होती. गुरुवारी पालेकर यांच्यासह बनावट चालक राजू लमाणी यालाही पोलिसांनी अटक केली. 

दोघांनीही न्यायालयात जामिनासाठी अर्ज दाखल केला होता. रात्री नऊ वाजता ॲड. पालेकर व चालक राजू यांची फोंडा अतिरिक्त सत्र न्यायालयाने अंतरिम जामीन मंजूर केला.

बाणस्तारी अपघाताच्या दिवशी ज्या पार्टीला सावर्डेकर कुटुंब उपस्थित होते, त्यावेळी ॲड. पालेकर हेही पार्टीला उपस्थित राहिल्याची काही छायाचित्रे व्हायरल झाली होती. 6 ऑगस्ट रोजी संध्याकाळी 7.30 वा पणजीच्या दिशेने येताना हा अपघात घडला.