Bambolim Car Accident: बांबोळी येथे कारचा भीषण अपघात झाला आहे. यात कारचा चक्काचूर झाला असून, या अपघातात किती लोक जखमी झाले याबाबत अद्याप माहिती समोर आलेली नाही. सोमवारी (दि.०२) सकाळी हा अपघात झाल्याचे समजते.

मुख्य रस्त्यावरुन भरधाव कार रस्त्याकडेला असलेल्या सुरक्षा पट्टीला धडकली आणि सर्व्हिस रोडवर आली. यात कारचा समोरचा भाग आणि छत याचा चक्काचूर झाला आहे.

कार सर्व्हिस रोडच्या कडेला थांबली असून, यात अपघातावेळी कारमध्ये किती लोक होते याबाबत कोणतीही माहिती समोर आलेली नाही.