School Bus Accident : मडगाव डिसेंबरच्‍या पहिल्‍या आठवड्यात बाळ्‍ळी येथे बालरथ उलटून जो अपघात झाला हाेता तो नेमका कोणत्‍या कारणामुळे यासंबंधातील कारण स्‍पष्‍ट करण्‍यास आरटीओ कार्यकारणी अपयशी ठरली आहे.

हा अपघात वाहनात निर्माण झालेल्‍या तांत्रिक चुकीमुळे की चालकाच्‍या हलगर्जीपणामुळे हे त्‍यामुळे स्‍पष्‍ट होऊ शकले नाही.कुंकळ्‍ळीच्‍या एका हायस्‍कूलचा हा बालरथ ७ डिसेंबर रोजी सकाळी मुलांना घेऊन परत कुंकळ्‍ळी जंक्‍शन येथे येत असताना बाळ्‍ळी हमरस्‍त्‍याच्‍या कडेला उलटला होता.

यामध्‍ये २४ विद्यार्थी जखमी झाले होते. त्‍यानंतर कुंकळ्‍ळी पोलिसांनी बसचालकाला अटकही केली हाेती. हा अपघात तांत्रिक कारणामुळे झाला की अन्‍य कारणामुळे हे शोधून काढण्‍यासाठी कुंकळ्‍ळी पोलिसांनी आरटीओला विनंती केली हाेती. मात्र, त्‍यांच्‍या चाैकशीतून काही निष्‍पन्न होऊ शकले नाही.