पालिकेच्या बैठकांना सर्व विभागांतील अधिकाऱ्यांनी किंवा त्यांच्या प्रतिनिधींनी उपस्थित राहणे बंधनकारक आहे, असे फर्मान नगराध्यक्ष दामोदर शिरोडकर यांनी काढले आहे. शुक्रवारी झालेल्या कार्निव्हल, शिमगोत्सव व इतर विषयांवरील बैठकीस काही अधिकारी उपस्थित नव्हते. तर काही अधिकारी उशिरा आले.

...अन्यथा कर्मचाऱ्यांना मेमो देणार

पालिकेत 15 ऑगस्ट, 19 डिसेंबर, 26 जानेवारी यासारखे राष्ट्रीय दिन साजरे केले जातात, तेव्हाही अधिकाऱ्यांची तसेच कर्मचाऱ्यांची उपस्थिती बंधनकारक आहे. अशा कार्यक्रमांना गैरहजर राहणाऱ्या अधिकारी व कर्मचाऱ्यांना मेमो दिला जाईल, असे नगराध्यक्षांनी स्पष्ट केले.

नगरसेवक घन:श्याम शिरोडकर म्हणाले, की नियमाप्रमाणे अधिकारी व कर्मचाऱ्यांनी अशा कार्यक्रमांना उपस्थित राहिलेच पाहिजे. गैरहजर असलेल्यांनी ते जिथे सरकारी कामासाठी हजर होते, तेथील अधिकाऱ्यांकडून उपस्थित असल्याचे प्रमाणपत्र आणावे, असे सांगितले.