Fake Passport Case At Dabolim Airport: दाबोळी विमानतळावर बनावट पासपोर्टद्वारे प्रवास करणाचा प्रयत्न करणाऱ्या दोघांना ताब्यात घेण्यात आले आहे. यात एका युवकाला व महिलेला चौकशीसाठी ताब्यात घेण्यात आले आहे. दोघांचा युएई देशात पळून जाण्याचा प्रयत्न होता. दाबोळी विमानतळ पोलिस पुढील तपास करीत आहेत.

याबाबत मिळालेल्या माहितीनुसार, दाबोळी विमानतळावर बनावट पासपोर्टद्वारे प्रवास करण्याचा प्रयत्न केल्याची घटना घडली. एक 18 वर्षीय युवक व 33 वर्षीय महिला बनावट पासपोर्टचा वापर करुन गोव्यातून युएईत जाण्याचा प्रयत्न केला.

इमिग्रेशन अधिकाऱ्याने दोघा संशयितांच्या पासपोर्टची पडताळणी केली तेव्हा दोन्ही पासपोर्ट बनावट असल्याचे आढळून आले. संशयित युवक व महिलेला विमानतळ पोलिसांनी चौकशीसाठी ताब्यात घेतले आहे. विमानतळ पोलिस प्रकरणाचा तपास करीत आहेत.