सासष्टी: कुंकळ्ळी (Kunkalim) बाजार परिसरात असलेले एटीएम मशीन (ATM machine) फोडण्याचा प्रयत्न केल्याप्रकरणी कुंकळ्ळी पोलिसांनी कारवाई करून गुरुवारी रात्री दिलीप काणकोणकर (27, तिसवाडी) आणि वंदना गावस यांना अटक केली.

कुंकळ्ळी पोलिसांनी दिलेल्या माहितीनुसार, गुरुवारी मध्‍यरात्री 2.30 च्या आसपास बँक ऑफ बडोदाचे एटीएम मशीन फोडण्यात येत असल्याचे सीसीटीव्हीच्या माध्यमातून बँकेच्या हैदराबादमध्ये असलेल्या कार्यालयाला कळाल्यावर त्यांनी त्वरित पोलिसांना सूचित केले. पोलिसांनी त्वरित घटनास्थळी धाव घेऊन दिलीप काणकोणकर आणि वंदना गावस यांना ताब्यात घेतले.