पणजी: दिल्लीचे मुख्यमंत्री आणि आम आदमी पक्षाचे राष्ट्रीय संयोजक अरविंद केजरीवाल आज मंगळवारी चार दिवसांच्या गोवा दौऱ्यावर येणार आहेत. यावेळी समाजातील विविध घटकांमधील लोकांशी संवाद सत्र आयोजित करण्यात आले आहे. (Arvind Kejriwal to visit Goa from today for goa assembly election)

केजरीवाल (Arvind Kejriwal) मंगळवारी दुपारी राज्यात येणार आहेत. पुढील चार दिवस पर्यटनावर अवलंबून असलेल्या स्थानिकांशी, तसेच महिला आणि त्यांच्या समस्या जाणून घेतील. त्याच बरोबर व्यापारी आणि उद्योगपतींचा समस्या जाणून घेण्यासाठी त्यांच्याशी संवाद साधणार आहेत. ''आप'' (Goa AAP) हा लोकांना भेटणे, त्यांच्या समस्या ऐकणे आणि त्यावर तोडगा काढण्यावर भर देणार आहे. इतर पक्ष वातानुकूलित खोल्यांमध्ये आपला जाहीरनामा तयार करतात. तर आप गावोगावी जाऊन लोकांच्या समस्या जाणून घेईल. गोवेकरांच्या समस्या जाणून घेतल्यानंतर लवकरच आप जाहीरनाम्यात गोव्याच्या समस्यांवरील उपायांचा समावेश करेल.