गोवा विधानसभा निवडणुकीचे प्रमुख, आम आदमी पक्षाचे राष्ट्रीय संयोजक अरविंद केजरीवाल यांनी गुरुवारी पत्रकार परिषदेत सांगितले की, त्यांच्या पक्षाची राज्यात सत्ता आल्यास पुढील पाच वर्षांत प्रत्येक नागरिकाला "10 लाख रुपयांचा लाभ" मिळेल. तसेच राज्यातील जनतेला मोफत वीज आणि आरोग्य सेवा देण्याचे आश्वासनही त्यांनी दिले.

केजरीवाल यांचा भाजप आणि काँग्रेसवर हल्लाबोल

पत्रकार परिषदेत अरविंद केजरीवाल (Arvind Kejriwal) म्हणाले की, भाजप आणि काँग्रेसकडे गोव्याबद्दल "कोणतीही दृष्टी" नाही. "मी भाजप कार्यकर्त्यांना पक्ष सोडण्यास सांगत नाही, पण 'आप'ला एक संधी द्या आणि आम्हाला मतदान करा. भाजपने (BJP) आपल्या कार्यकर्त्यांसाठी काहीही केले नाही, त्यांनी केवळ काँग्रेस (Congress) नेत्यांच्या घोटाळ्यांना संरक्षण दिले आहे. दुसरीकडे, काँग्रेसची ही अशीच अवस्था झाली आहे. मी काँग्रेस कार्यकर्त्यांनाही आवाहन करतो की, 'आप'ला (AAP) संधी द्या आणि तुमच्या मुलांच्या भवितव्यासाठी झाडूला मत द्या,"