Army Recruitment: लष्कर भरतीसाठी तयारी करण्याऱ्या लाखो तरुणांसाठी आनंदाची बातमी आहे. भारतीय लष्करात भरती होण्याचं स्पप्न पाहत असणाऱ्या तरुणांसाठी नामी संधी आहे. आज प्रत्येकजण सरकारी नोकरी मिळवण्यासाठी धडपडत आहे. मग ती नोकरी कोणत्याही प्रकारची असो. पण ही नोकरी जर थेट देशसेवेची संधी देणारी असेल तर होय, खरंय..

मागील काही महिन्यांपासून लष्कर भरतीची चातकासारखी वाट पाहणाऱ्या तरुणांची इच्छा आता पूर्ण होणार आहे. 24 जून ते 04 जुलै 2024 या कालावधीत गोव्यात लष्कर भरतीचे आयोजन करण्यात येत आहे. पात्र उमेदवार तात्काळ यासाठी अर्ज करु शकतात.

दरम्यान, गोव्यातील (Goa) बांबोळी येथील 3-TTR मैदानावर भरती मेळावा आयोजित करण्यात आला आहे. देशभरातील सर्व राज्यातील पात्र तरुण वरील नमूद केलेल्या कालावधीत अर्ज करुन भरती प्रक्रियेसाठी हजर राहू शकतात.

भारतीय सैन्य भरती रॅलीमध्ये सहभागी होण्यासाठी इच्छुक उमेदवारांना ऑनलाइन नोंदणी करावी लागेल. अधिसूचनेनुसार पात्र उमेदवार www.joinindianarmy.nic.in या वेबसाइटवर नोंदणी करु शकतात. वैध ईमेल आयडीद्वारे प्रवेश पात्र आहे. लष्करात भरती होण्याचं स्वप्न उराशी बाळगणाऱ्यांसाठी ही खास संधी आहे. बिलकुल ही संधी सोडू नका...