पिसुर्ले : होंडा ते फोंडा रस्ता दरम्यान आजोबा नगर भागात जलवाहिनी फुटल्याने पाण्याचे (Water) पाट रस्त्याने वाहत होते, यामुळे या भागातील पाणी पुरवठा खंडित झाला होता. फुटलेल्या जलवाहिनीची तातडीने दखल घेऊन जलवाहिनी संध्याकाळी दुरूस्त करण्यात आली.

सद्या गोव्यात (goa) पाण्यासाठी सर्वत्र वणवण भासत असताना अशा प्रकारे जलवाहिनी फुटण्याच्या प्रकारात वाढ होत आहे, त्यामुळे नागरिकांना (Citizen) मुबलक प्रमाणात पाणी मिळत नसल्याच्या कारणावरून नागरिक घागर मोर्चा काढत आहेत. त्यामुळे सरकारच्या संबंधित खात्याने जीर्ण झालेल्या जलवाहिनी बदलून नवीन जलवाहिन्या घालण्यासाठी प्रयत्न करावेत अशी मागणी सर्व सामान्य जनतेकडून करण्यात येत आहे.