Panaji Police Station Attack Case: महसूल मंत्री बाबूश मोन्सेरात आणि त्यांची पत्नी जेनिफर मोन्सेरात यांचा कथित सहभाग असलेल्या पणजी पोलीस स्थानक तोडफोड प्रकरणी आता मोन्सेरात दाम्पत्याने कोर्टात अर्ज दाखल केला आहे.

हे गाजलेले प्रकरण 2008 सालचे आहे. या प्रकरणात हजर राहण्यापासून कामयची सूट मिळावी, यासाठी महसूल मंत्री बाबुश मोन्सेरात आणि त्यांच्या पत्नी आमदार जेनिफर मोन्सेरात यांनी मडगाव कोर्टात अर्ज दाखल केला आहे.

सुनावणीदरम्यान, डीवायएसपी सुदेश नाईक यांनी सीसीपीचे माजी महापौर उदय मडकईकर आणि कॅरोलिना यांच्यासह या प्रकरणात सहभागी असलेल्या आठ जणांची ओळख पटवली आहे. या प्रकरणाची पुढील सुनावणी 14 जुलै रोजी होणार आहे.

मोन्सेरात यांच्या काही समर्थकांना पणजी पोलीसांनी अटक केल्यावर त्यांना सोडविण्याची मागणी करण्यासाठीं मोन्सेरात आणि त्यांचे समर्थक पोलीस स्थानकावर चाल करुन आले होते.

त्यावेळी या जमावाने पोलिसांवर हल्ला करून स्थानकाची मोडतोड केल्याचा आरोप त्यांच्यावर ठेवण्यात आला आहे. हा हल्ला झाला त्यावेळी नाईक हे पणजी पोलीस स्थानकाचे निरीक्षक होते.

बाबूश मोन्सेरात हे वारंवार पणजी पोलीसांच्या कारभारात हस्तक्षेप करत असल्याने पोलीसांचे त्यांच्याशी असलेले संबंध ताणले गेले होते अशी या प्रकरणात यापुर्वी दिली गेली होती.