Goa Zilla Panchayat Election Dainik Gomantak
गोवा

Goa Zilla Panchayat Election: जिल्हा पंचायती निवडणूकीच्या रिंगणात आपचा उमेदवार

जिल्हा पंचायतीच्या दवर्ली, रेईश मागूश आणि कुठ्ठाळी मतदारसंघात पोटनिवडणूक होत आहे.

दैनिक गोमन्तक

गोवा: आपच्या जॉन डी'सा यांनी कुठ्ठाळी जिल्हा निवडणुकीसाठी अर्ज दाखल केला. जिल्हा पंचायतीच्या दवर्ली, रेईश मागूश आणि कुठ्ठाळी मतदारसंघात पोटनिवडणूक होत आहे. या निवडणुकीसाठी काँग्रेस, आरजी पाठोपाठ आता भाजपने आपले उमेदवार जाहीर केल्याने ही निवडणूक बहुरंगी होणार, हे स्पष्ट झाले आहे.

(Goa Zilla Panchayat Election)

भाजप प्रदेशाध्यक्ष सदानंद शेट तानावडे यांनी भाजपच्या दोन उमेदवारांची नावे जाहीर केली. उत्तर गोव्यातील रेईस-मागुश जिल्हा पंचायतीच्या जागेसाठी पिळर्ण येथील संदीप काशिनाथ बांदोडकर तर दक्षिण गोव्यातील दवर्ली जिल्हा पंचायतीसाठी परेश पांडुरंग नाईक यांच्या नावांचा समावेश आहे.

आरजी, आपसह इतर राजकीय पक्ष देखील निवडणुकीच्या रिंगणात

आरजी, आपसह इतर राजकीय पक्ष देखील निवडणुकीच्या रिंगणात आहेत. शिवाय काही अपक्ष उमेदवारांनी आपले उमेदवारी अर्ज भरले आहेत. त्यामुळे ही निवडणूक बहुरंगी होणार, असे संकेत आहेत. दरम्यान उत्तरेतील रेईस-मागुश आणि दक्षिणेतील दवर्ली या जागा आम्ही यापूर्वी जिंकल्या होत्या.

कुठ्ठाळीची जागा अपक्ष आमदार अंतोनियो वाझ यांनी जिंकली होती. त्यामुळे ही जागा आम्ही त्यांच्यासाठी सोडली असून त्यांच्या उमेदवाराला पाठिंबा दिला आहे. आताही आम्ही या तीनही जागा जिंकू असा मला विश्‍वास आहे, असं गोवा भाजप प्रदेशाध्यक्ष सदानंद शेट तानावडे यांनी म्हटलं आहे.

भाजपच्या दोन उमेदवारांची नावे जाहीर

परेश नाईक पंच सदस्य असून गेली सहा वर्षे ते उपसरपंच पद सांभाळत आहेत. तसेच भाजपाच्या नावेली मंडळाचे ते अध्यक्ष आहेत. तर संदीप बांदोडकर गेली चार वेळा पंच सदस्य म्हणून कार्यरत असून त्यांनी सरपंचपदीही काम केले आहे. दुसरीकडे काँग्रेसने दवर्ली येथून लिओनिको रायकर आणि कुठ्ठाळी येथून वॉलेंट बारबोझा यांना तर रेईश मागूश येथून प्रगती पेडणेकर यांना उमेदवारी दिली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs AUS: शिखर धवन-युसूफ पठाणची वादळी खेळी निष्फळ, कांगारूंनी भारताचा 4 गडी राखून केला पराभव

Usgaon Bridge: उसगावात 62 वर्षे जुनाट पूल दुरावस्थेत; स्थानिकांची दुरुस्तीची मागणी

Valpoi: बाप रे... गायीच्या पोटात प्लास्टिकचा ढीग! शस्त्रक्रिया करून तब्बल 26 किलो प्लास्टिक काढलं

Viral News: प्रियकरासोबत नको त्या अवस्थेत सापडली पत्नी, बेदम मार खाल्यानंतर नग्नच पळाला लव्हर Watch Video

Pusapati Ashok Gajapathi Raju: पुसापती अशोक गजपती राजूंनी गोव्याचे राज्यपाल म्हणून स्वीकारली सूत्रे; आंध्रवासीयांच्या आनंदाला भरते

SCROLL FOR NEXT