Anonymous Decomposed Dead Body Found

अज्ञात मृतदेह सापडण्याची अजून एक घटना समोर आली आहे. मये येथील रेल्वे ट्रॅकच्या शेजारी एक सडलेल्या अवस्थेतील मृतदेह सापडला आहे. याची माहिती मिळताच डिचोली पोलीस घटनास्थळी दाखल झाले असून याबाबतचा अधिक तपास करत आहेत.

प्रथमदर्शनी तपासानुसार, अज्ञात व्यक्तीचा मृतदेह ३ ते ४ दिवस जुना असून सडलेल्या अवस्थेत सापडला आहे. ही व्यक्ती साधारण ४० वर्षांची असल्याचा अंदाज आहे. सदर व्यक्ती रेल्वेला धडकली किंवा रेल्वेमधून पडली असल्याची शक्यता वर्तवण्यात येत असून पोलिस निरीक्षक राहूल नाईक यांच्या मार्गदर्शनाखाली तपास सुरू आहे.

दरम्यान, मृतदेह पुढील तपासासाठी गोवा वैद्यकीय महाविद्यालयात पाठवण्यात आला आहे.