पणजी : हणजुण पोलिसांनी धडक कारवाई करत कुख्यात लॉरेन्स बिश्नोई टोळीशी संबंधित असल्याचा आरोप असलेले सात जण ताब्यात घेतले आहेत. यामध्ये लॉरेन्स बिश्नोईचा निकटवर्तीय म्हणून ओळखला जाणारा विष्णू बिश्नोईचाही समावेश आहे.

पोलिसांच्या म्हणण्यानुसार हे सर्वजण पंजाब पोलिसांना अत्यंत हवे असून त्यांच्याविरुद्ध गंभीर गुन्ह्यांची नोंद आहे. हणजुणे पोलिसांनी त्यांना ताब्यात घेतल्यानंतर पुढील कायदेशीर कारवाईनुसार लवकरच पंजाब पोलिसांच्या स्वाधीन करण्यात येणार असल्याचे कळते.

बिष्णोई टोळी आंतरराष्ट्रीय स्तरावरीय गुन्ह्यांमुळे ओळखली जाते. या टोळीचा प्रमुख लॉरेन्स हा २०१४ पासून तुरुंगात आहे. त्याच्याविरोधात खून, दरोडा, खंडणी तसेच शस्त्र विक्री असे अनेक गुन्हे दाखल आहेत. गायक सिद्धू मुसेवाला यांच्या हत्येची जबाबदारी टोळीने घेतली होती.