Goa News: कुंभारजुवे मतदारसंघातील करमळी गावात खुल्या जमिनीत असलेल्या झाडांना विनाकारण आग लावण्याच्या प्रकारांमध्ये वाढ झाली आहे. करमळीत अनेक ठिकाणी आग लागलेली दिसत असून त्याचे रुपतांतर वणव्यात होण्यापूर्वी पंचायतीकडून आग लावणाऱ्या व्यक्तींना सक्त ताकीद देण्याची गरज असल्याचे मत नागरिकांकडून व्यक्त केले जात आहे.

गेल्या वर्षी सत्तरीत असेच आग लावण्याचे प्रकार घडले होते, त्याचे रुपांतर वणव्यात झाल्यानंतर म्हादई अभयारण्यात भीषण लागली होती. असाच प्रकार करमळीत होण्याची दाट शक्यता निर्माण झाली आहे. काही जण आपल्या आनंदासाठी ही आग लावतात आणि पळून जातात. याचा दुष्परिणाम शेजारच्या घरांवर होतो, कारण आगीतून उठणारी राख घरांमध्ये जाते. त्याशिवाय हानिकारक धुरामुळे श्वसनाचे रुग्णांना त्रास होतो, तसेच प्राणी आणि पक्षांना देखील ही आग घातक आहे.