Accident On Atal Setu: अटल सेतूवर कार आणि सांडपाणी ट्रकचा अपघात झाला. रात्रीच्या सुमारास हा अपघात झाल्याचे समोर आलेल्या व्हिडिओतून दिसत आहे. अपघातामुळे मार्गावर वाहतूक कोंडी झाली. दरम्यान, पोलिसांनी घटनास्थळी दाखल होत वाहतूक सुरळीत केली.

अटल सेतूवरील या अपघाताचा व्हिडिओ समोर आला आहे. यात एक कार दुभाजकाच्या दुसऱ्या दिशेने येणाऱ्या ट्रकला धडकली. यात कारच्या समोरील भागाचा मोठे नुकसान झाले असून, ट्रकचे देखील किरकोळ नुकसान झाले आहे.

या अपघातात कोणी जखमी झाल्याची माहिती अद्याप समोर आलेली नाही. मात्र, अपघातामुळे मार्गावर वाहतूक कोंडी निर्माण झाली. वाहतूक पोलिस घटनास्थळी दाखल होत त्यांनी वाहतूक सुरळीत केली.