Amit Palekar Bail: बाणस्तारी येथे झालेल्या मर्सडीज अपघात प्रकरणात क्राईम ब्रँचने आम आदमी पक्षाचे नेते अमित पालेकर यांना आता जामीन मंजूर केला आहे.

फोंडा जिल्हा सत्र न्यायालयाने ॲड. अमित पालेकर यांंनी त्यांचा मोबाईल क्राईम ब्रँचजवळ सुपूर्द करावा तसेच उद्या (5 सप्टेंबर) रोजी एक दिवस क्राईम ब्रँचमध्ये हजर राहावे, या अटीवर त्यांना जामीन मंजूर करण्यात आला आहे.

यापुर्वी जिल्हा व सत्र न्यायालयाने त्यांना 50 हजार रुपयांच्या जामीन जातमुचलक्यावर पुढील आदेशापर्यंत अंतरिम जामीन मंजूर केला होता. आता त्यांना जामीन मंजूर करण्यात आला आहे.

बाणास्तरी येथे झालेल्या मर्सडीजच्या अपघातात तिघांचा मृत्यू झाला आहे. मद्यधुंद अवस्थेत परेश सावर्डेकर ही मर्सडीज चालवत होता.

तथापि, त्याचा बचाव करण्यासाठी आम आदमी पक्षाचे नेते अमित पालेकर यांनी एका बनावट चालकाला तयार केले आणि त्याला म्हार्दोळ पोलिस स्थानकात नेले होते, असे तपासात आढळून आल्यानंतर पोलिसांनी त्यांना अटक केली होती.