Manohar International Airport : मोपा आंतरराष्ट्रीय विमानतळावरुन अखेर आंतरराष्ट्रीय विमानसेवा सुरू करण्यात आली आहे. एअर इंडियाच्या B787-8 विमानाने आज मोपावरुन लंडन गॅटविकसाठी उड्डाण केले. एअर इंडिया मोपा विमानतळावरून आंतरराष्ट्रीय सेवा सुरू करणारी पहिली कंपनी आहे.

काही दिवसांपूर्वी आंतरराष्ट्रीय विमानसेवा सुरु होणार असल्याची माहिती गृह मंत्रालयाच्या वतीने अधिसूचना प्रसिद्ध करत देण्यात आली होती.

मोपा आंतरराष्ट्रीय विमानतळ अनेक दिवसांपासून आंतरराष्ट्रीय विमानसेवेच्या प्रतिक्षेत होते. गृह मंत्रालयाच्या वतीने मंगळवारी (दि.11) अधिसूचना प्रसिद्ध करत, मनोहर आंतरराष्ट्रीय विमानतळाला वैध कागदपत्रासह अधिकृत प्रवेश आणि गमन यासाठी तपासणी करण्याची परवानगी दिली होती.

दरम्यान आज दुपारी एअर इंडियाच्या विमानाने मोपा येथून लंडनसाठी उड्डाण केले.