आगोंद, येथील श्री आगोंदेश्वर देवस्थानात आज सकाळी ६.४५ वाजता चोरीची घटना उघडकीस आली. चोरांनी फंडपेटीतील सुमारे ८० हजारांच्या रकमेसह दोन लाखांचा ऐवज लंपास केल्याची माहिती देवस्थान समितीचे अध्यक्ष प्रमोद देसाई यांनी दिली.
मिळालेल्या माहितीनुसार, देवस्थानचे पुतू वेळीप नेहमीप्रमाणे सकाळी ६.४० च्या सुमारास श्री आगोंदेश्वर देवस्थानकडे पोहोचले. त्यांना देवालयाच्या मुख्य दरवाजाचे कुलूप नसल्याचे आढळून आले. हे कुलूप कापून काढल्याचे त्यांच्या निर्दशनास आले.
पाठीमागे अभिषेकास वापरात आणले जाणारे तांब्याचे पात्र व आतील समईचे काही तोडलेले भागही दिसून आले. या प्रकाराबाबत त्यांनी स्थानिक महाजन नारायण देसाई आणि रामदास सावंत यांना सूचित केले. त्यानंतर प्रथम आगोंद पोलिस चौकी व नंतर काणकोण पोलिसांना घटनेची माहिती देण्यात आली. याठिकाणी दोन देवळांचा वर्धापन दिन सोहळा नुकताच झाला होता.
सहा वर्षांपूर्वीही झाली होती चोरी
हे देवस्थान लोकवस्तीपासून दूर आहे. या देवस्थानात ६ वर्षांपूर्वीसुद्धा अशीच चोरी झाली होती. मात्र, चोर सापडले नव्हते.
यावेळी तपासणीसाठी आणलेले श्वान जवळच्या शेतात १०० मीटरपर्यंत घुटमळत नंतर परतले. ठसेतज्ज्ञांनीही ठसे घेतले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.