ॲड. यतीश नाईक यांनी आज भाजपमध्ये प्रवेश केला आहे. प्रदेशाध्यक्ष सदानंद तानावडे यांच्या उपस्थितीत हा पक्ष प्रवेश झाला. काँग्रेस सोडून ते तृणमूल काँग्रेसमध्ये गेले होते. पण काही दिवसांनंतर त्यांनी तृणमूलला रामराम दिला होता. आज त्यांनी आपल्या कार्यकर्त्यांसह प्रवेश केला. याला कार्यकत्यांनी देखील आपला पाठिंबा दर्शवला. भाजपने (BJP) राज्यात पुन्हा एकदा सरकार स्थापन केले आहे. निवडणुका झाल्यापासून हा पहिलाच पक्ष प्रवेश आहे. यानंतर देखील अनेक नेते भाजपमध्ये सामील होणार असल्याचे बोलले जात आहे.

गोवा तृणमूल काँग्रेसचे (TMC) सरचिटणीस यतीश नाईक यांनी विधानसभा निवडणुकीच्या काही आठवड्यांपूर्वी राजीनामा दिला होता. पक्षाच्या उमेदवारांच्या पहिल्या दोन यादीतून वगळलेल्या नाईक यांनी अखेर राजीनामा दिला होता. निवडणुका लढवण्यासाठी तृणमूल काँग्रेसने (Congress) त्यांना जागा देण्याचे आश्वासन दिल्याचा आरोप त्यांनी केला.

कोलकाता येथे ममता बॅनर्जी यांच्या उपस्थितीत माजी मुख्यमंत्री लुइझिन्हो फालेरो यांच्यासह टीएमसीमध्ये सामील झालेल्या पहिल्या नऊ लोकांपैकी नाईक एक होते.