काणकोण: काणकोण तालुक्यातील पैंगीण व लोलये पंचायत क्षेत्रातील भुमीगत वीज वाहिनी प्रस्तावाला प्रशासकीय मंजूरी मिळाली आहे.गावडोंगरी व खोतीगाव पंचायत क्षेत्रात यापूर्वीच भूमीगत वीज वाहिन्या घालून वीजपुरवठा सुरू केल्याने या भागातील खंडीत वीज पुरवठ्याच्या समस्येवर तोडगा निघाला आहे.पैंगीण व लोलये पंचायत क्षेत्रात 37 कोटी 1 लाख 75 हजार 708 रूपये खर्चून भूमिगत वीज वाहिन्या घालण्यात येणार आहेत.

(Administrative approval for Paingin-Lolaye power line proposal in goa )

वीज खात्याचे निवृत्त कार्यकारी अभियंता संतोष लोलयेकर यांनी हा प्रस्ताव तयार करण्यासाठी महत्वाची भूमिका बजावली आहे असे सभापती रमेश तवडकर यांनी सांगितले.आगोंद पंचायत क्षेत्रात भूमिगत वीज वाहिन्या घालण्याची मागणी आहे.त्या पंचायत क्षेत्राचा प्रस्तावही तयार करण्यात आला आहे येणाऱ्या काही दिसांत या प्रस्तावाला प्रशासकीय मिळणार असल्याचे सभापती तवडकर यांनी सांगितले.

खोतीगाव पंचायत क्षेत्रात केरी या दुर्गम डोंगर माथ्यावरील वाड्यावर अद्याप वीज पुरवठा झाला नाही या वाड्यालाही भूमिगत वीज वाहिन्याद्वारे वीज जोडणी देण्याची मागणी येथील रहिवाशांनी सभापती कडे केली आहे.त्या वाड्यालाही थोड्याच कालावधीत वीज जोडणी मिळण्याची अपेक्षा आहे.