Poonam Pandey Goa Video: बॉलिवूड अभिनेत्री आणि प्रसिद्ध मॉडेल पूनम पांडेचे गर्भाशय मुखाच्या कर्करोगामुळे निधन झाले आहे. 32 वर्षीय पांडेच्या अचानक निधनामुळे सर्वत्र खळबळ निर्माण झाली.

सकाळी तिच्या सोशल मिडिया टीमने अधिकृत इंस्टाग्राम अकाउंटवरून याबाबत माहिती दिली आहे. पूनमचे अचानक निधन सर्वानांच आश्चर्याचा धक्का देणारे ठरले आहे.

पूनम पांडे अलिकडेच गोव्यात आली होती. पूनमने एका कॅसिनोत गेस्ट म्हणून हजेरी लावली होती. याचा व्हिडिओ पूनमने सोशल मिडियावर शेअर केला होता.

यात पूनमने सफेद रंगाचा ड्रेस आणि काळ्या रंगाची पॅन्ट परिधान केल्याचे दिसत आहे. मांडवीतील कॅसिनो आणि त्यामागे मनमोहक दृष्य दिसत आहे.

पूनम नेहमीच गोव्यात कॅसिनोच्या कार्यक्रमांसाठी हजेरी लावत असते. यापूर्वीही तिने विविध कार्यक्रमांमध्ये उपस्थिती लावली होती.

पूनम पांडे तिच्या वादग्रस्त वक्तव्यासाठी प्रसिद्ध होती. 2011 च्या विश्वचषक भारताने जिंकल्यास ती कपडे काढून टाकेल असे वक्तव्य तिने केल्यानंतर ती वादात सापडली होती. दरम्यान, तिच्या अचानक निधनामुळे सर्वत्र खळबळ निर्माण झाली आहे.

पूनमने 'नशा' चित्रपटातून बॉलिवूडमध्ये पदार्पण केले होते. बॉलिवूड अभिनेत्री कंगना रणौतने होस्ट केलेल्या लॉक अपच्या पहिल्या सीझनमध्ये पूनम दिसली होती. यात ती जिंकू शकली नसली तरी तिची लोकप्रियता वाढली.

कंगना राणौतच्या लॉक अपचा पहिला सीझन स्टँड-अप कॉमेडियन मुनावर फारुकीने जिंकला होता.