Gram Sabha : कुठ्ठाळी, ग्रामसभा अर्ध्यावर सोडून जाणाऱ्या पंचसदस्यांवर रितसर कारवाई करण्याचा ठराव आज कुठ्ठाळी ग्रामसभेत घेण्यात आला.

तसेच या कृतीचा ग्रामसभा सदस्यांनी एक प्रकारे निषेध केला. वेळेचे बंधन सर्वांनाच बंधनकारक आहे. पंचायत सचिव अंकिता घोगळे यांनी गत ग्रामसभेचा अहवाल सादर करून त्यास मान्यता मिळवली.

सरपंच सेनिया परेरा यांच्‍या अध्‍यक्षतेखाली झालेल्‍या या ग्रामसभेला पंचायत सचिव अंकिता घोगळे, उपसरपंच दिव्या रायकर, पंच उज्ज्‍वला नाईक, आंजेला फुर्तादो, मान्‍यूएल सिल्वा, लोबो, गटविकास अधिकारी कार्यालयातील निरीक्षक सुषमा गडकर यांची उपस्‍थिती होती.

काही वर्षांपूर्वी पंचायतीने घरपट्टी आकारण्यासाठी सर्वेक्षण करण्याकरिता एका खासगी कंपनीला कंत्राट दिले होते व त्यासाठी आगाऊ रक्कम सुमारे सात लाख रुपये दिले होते. ते पैसे एक तर त्या कंपनीकडून वसूल करावेत अशी सूचना करण्‍यात आली.